ДУШАНБЕ, 15 июн — Sputnik. Дар ояндаи наздик ҷорӣ кардани як қатор имтиёзҳо барои донишҷӯёни хориҷии донишгоҳҳои Русия ба нақша гирифта шудааст, гуфт муовини раиси Шӯрои Федератсия Константин Косачев дар мусоҳиба бо "Парламетская газета".
"Роҳкирои бепул, лоақал аз то ҷойи таҳсил ва бозгашт, суғуртаи тиббии ройгон, идрорпулии баланд ва ҷуброни ҳамаи хароҷотҳо барои хобгоҳ ба назар гирифта шудааст", - шарҳ дод намояндаи Шӯрои Федератсия.
Ҳамзамон, Россотрудничество низ барои донишҷӯёни хориҷӣ сабукиҳо пешниҳод мекунад.
Дар соли 2021 ин созмон хидматеро роҳандозӣ мекунад, ки дар он хоҳишмандони дохил шудан ба донишгоҳҳои Русия метавонанд аз фосилаи дур ҳуҷҷат супоранд. Аммо, фаъолияти барнома бо ин маҳдуд намешавад. Бо кӯмаки хидмати "Таҳсилоти хориҷиён дар Федератсияи Русия" донишҷӯ метавонад маълумоти истинод гирад, кӯмак пурсад ва ҳатто ҳангоми расидан таксӣ киро кунад.
Ҳамаи ин барои афзоиши шумораи донишҷӯёни хориҷӣ дар кишвар пешбинӣ шудааст.
Гуфта мешавад, аз ин роҳи ҷалб кардани донишҷӯён дар Канада ва Фаронса васеъ истифода бурда мешавад.
Тибқи нақшаҳои мақомот, шумораи умумии донишҷӯёни хориҷӣ дар Русия то соли 2024 бояд ба 425 ҳазор нафар расад.