ДУШАНБЕ, 11 май — Sputnik. Боришҳо дар Тоҷикистон 3 рӯзи дигар идома ёфта, ҳавошиносон то 14 май ҳавои кишварро боронӣ пешбинӣ кардаанд.
Тавре Агентии ҳавошиносии кишвар иттилоъ медиҳад, дар ноҳияҳои доманакӯҳ ва кӯҳии вилояти Хатлон, Суғд ва ноҳияҳои тобеи ҷумҳурӣ дар ин рӯзҳо омадани сел аз эҳтимол дур нест.
Инчунин дар дарёҳои аз нишебиҳои ҷанубии қаторкӯҳҳои Ҳисор ҷоришаванда, дарёҳои Қизилсӯ, Ёхсӯ, Вахш (Сурхоб), Обихингоб, Зарафшон ва Исфара баландшавии сатҳи об пешгӯӣ мешавад.
13-14 май дар баъзе ноҳияҳо борони кӯтоҳмуддат борида, раъду барқ ба амал меояд. 15-16 май дар мамлакат асосан ҳавои бебориш дар назар аст.
Ин дар ҳолест, имрӯз, 11 май низ дар шаҳрҳои Душанбе бориши муддатнок боиси баста шудани роҳҳо гардид.
Аммо дар минтақаи Кӯлоб ва ноҳияи Шамсиддин Шоҳин бориши зиёд боиси фаромадани сел шудсел омад ва расонаҳо дар бораи тахриб шудани даҳҳо хона хабар медиҳанд.
Бино бар итттилои расмӣ, се нафарро сел бурдааст. Манбаъҳо то 9 қурбонии офати табиӣ хабар медиҳанд.