ДУШАНБЕ, 19 апр — Sputnik. Тибқи иттилои дафтари матбуотии ин ниҳод, дар натиҷаи гузаронидани чорабиниҳои оперативӣ-ҷустуҷӯӣ аз ҷониби кормандони милитсия бо ин иттиҳом ҷавони 23-сола ва ноболиғи 17-солаи сокинони шаҳри Норак боздошт гардиданд.
Бар хабари манбаъ, ин афрод бо гумони тайёр кардан ва ба муомилот баровардани пул ё қоғазҳои қиматноки қалбакӣ дастгир карда шуданд.
Номбурдагон, дар давоми моҳи март ва апрели соли 2021, бо мақсади ба муомилот баровардани асъори хориҷии қалбакии доллари амрикоӣ аз шиносашон марди 28-солаи сокини шаҳри мазкур купюраҳои 100 доллараи амрикоии қалбакиро дастрас намуда, ба ҷавони 28 ва марди 45-солаи сокинони ҳамин шаҳр ба фурӯш баровардаанд, афзудааст манбаъ.
Гуфта мешавад, мувофиқи маълумотномаи Ташхиси судӣ-криминалистӣ, купюраҳои гирифташуда 7 ҳазору 800 доллари амрикоии қалбакиро ташкил медиҳад.
ВУД мегӯяд, аз рӯи ҳодисаи мазкур тафтишот идома дорад.