ДУШАНБЕ, 13 апрел - Sputnik. Бонки миллии Тоҷикистон қурби нави асъорро дар кишвар муқаррар кард.
Тибқи нишондоди ин ниҳод, қурби доллари амрикоӣ, ки ҳавфтаи гузашта боло рафту пасон поин омад, давоми ду рӯзи ахир дар марзи 11,3195 сомонӣ ист кардааст.
Тибқи маълумоти таблоҳои расмии БМТ, асъори аврупоӣ низ дар ҳолати қурби шинокунанда буда, дар Тоҷикистон имрӯз барои як евро 13,4555 сомонӣ муқаррар шудааст.
Ҳамзамон, маълум аст, ки евро дар ҳоли мунтазам болоравист, зеро дар аввали апрел 13,29 сомонӣ барои як евро дода мешуд.
Рубли русӣ ҳафтаи дуввум аст, ки дар ҳоли номуназзамӣ қарор дорад ва барои ҳазор рубл 146 сомонӣ муқаррар карда шудааст.
Қурби ҳаррӯзаи БМТ бо мақсади баҳисобгирӣ ва пардохти боҷҳои гумрукӣ дар кишвар муқаррар карда мешавад.
Бонки Миллӣ ҳушдор медиҳад, ки амалиёти асъорӣ берун аз филиалҳо, офисҳои марказҳои хидматрасонии бонкҳо, инчунин банкоматҳо ва терминалҳо манъ аст.
Риоя накардани ин талабот дар Тоҷикистон ҷиноят ҳисобида мешавад ва ҷинояткор ба ҷавобгарии маъмурӣ ва ҷиноятӣ кашида мешавад.