ДУШАНБЕ, 8 апрел - Sputnik. Челябинск нақша дорад, парвозҳоро ба хориҷа аз сар гирад, хабар медиҳад хадамоти матбуоти ҳукумати вилояти Челябинск.
Ҳавопаймоҳо барои парвоз ба Тоҷикистон, Туркия, Кипр, Қирғизистон, Қазоқистон ва Тоҷикистон омодагӣ мебинанд.
Интизор меравад, ки парвозҳо ба кишварҳои ИДМ аз Челябинск аз 1 май боз мешаванд.
Дар ҳоли ҳозир, дар фурудгоҳи Челябинск Баландино корҳои таҷдиди техникии гузаргоҳи ҳавоӣ тавассути сарҳади давлатии Федератсияи Русия ба итмом расида, тартиби гирифтани иҷозат барои кор бо визаҳои электронии шаҳрвандони хориҷӣ идома дорад.
"Вазъи ҳамагирӣ дар ҷаҳон хеле мураккаб аст, дарвоқеъ, мавҷи сеюм дар бисёр кишварҳо оғоз ёфтааст. Ин, шояд, ба гунае ба оғози кори терминал таъсир расонад. Музокирот барои оғози иртиботи мустақими байналмилалӣ идома дорад , "- гуфт губернатори вилояти Челябинск Алексей Текслер ҳангоми боздид аз бандари ҳавоӣ.
Ғайр аз ин, имконоти парвозҳо ба хориҷа аз фурудгоҳи Магнитогорск омӯхта мешавад.