ДУШАНБЕ, 23 мар – Sputnik. Собиқ қаҳрамони UFC дар вазни сабук аз ҳамаи рейтингҳо дар сомонаи промоушн хориҷ карда шудааст.
Ин кор пас аз мулоқоти охирини ӯ бо президенти UFC Дана Уайт иттифоқ афтод. Уайт чанд рӯз пеш расман эълон кард, ки Ҳабиб Нурмуҳаммадов комилан тарки UFC кард ва ҳоло бознишаста аст.
Пас аз хориҷ кардани варзишгари Русия аз рейтингҳои промоушн, ҷои ӯро собиқ қаҳрамони вазни сабук Ҷон Ҷонс ишғол кард.
Ёдовар мешавем, дар охирин набард, ки ба пирӯзии Ҳабиб анҷом ёфт, ӯ аз хотимаи фаъолияти варзишии худ эълон кард.
Варзишгар ба хотири ваъдае, ки ба модараш дода буд, фаъолияти худро дар ин соҳа ба поён расонд. Нурмуҳаммадов UFC-ро ҳамчун ғолиби мутлақ тарк кард: дар 29 мубориза ӯ ягон мағлубият надидааст.
Дар ҳамин ҳол, як рӯз пеш, ба размикори амрикоӣ Люк Рокхолд пешниҳод намуд, то мураббияш шавад ва собиқ қаҳрамонро дигарбора ба майдони набард биёрад.
Феълан, маълум нест, ки пешниҳоди Ҳабиб аз ҷониби Рокхолд пазируфта ва ё рад карда шуд.