ДУШАНБЕ, 22 мар - Sputnik. Иттиҳоди Аврупо ба ваксини Русия алайҳи коронавирус ниёз надорад, гуфт Комиссари Аврупо оид ба бозори дохилӣ Тиерри Бретон дар шабакаи телевизионии TF1.
Вай гуфт, ки Аврупо ҳамчун қитъаи дорои ваксинаҳои аз ҳама тасдиқшуда бояд иқтидори кофии истеҳсолӣ барои ваксина дошта бошад.
"Мо ба “Спутник V” комилан ниёз надорем", - гуфт Бретон.
Комиссари Аврупо мегӯяд, Русия дар масъалаи истеҳсоли ваксин мушкилӣ дорад ва Иттиҳоди Аврупо омодааст дар ин самт ба Русия кӯмак кунад. Аммо ӯ илова намуд, ки Аврупо метавонад аз нимаи дуюми соли 2021 дар истеҳсоли ваксин ба Русия дасти кумак дароз кунад.
Бретон инчунин гуфт, ки масунияти оммавӣ аз COVID-19 дар Аврупо эҳтимол то нимаи моҳи июл пайдо шавад.
Ёдовар мешавем, ки аксар кишварҳои ИА аз ваксини AstraZeneca даст кашиданд. Зеро истифодаи ваксини мазкур аксар эмгирифтаҳоро ба тромбоз оварда расонд.
Тоҷикистон дар доираи механизми COVAX 192 000 воя ваксини AstraZeneca – ро даст намудааст. Намояндагони Вазорати беҳдошти Тоҷикистон мегӯянд, ҳоло дар мамлакат марҳилаи омодагӣ ба маъракаи эмгузаронӣ идома дорад. Бо ваксини мазкур бояд 20 дарсади аҳолӣ эмгузаронӣ шавад.