ДУШАНБЕ, 10 мар - Sputnik. Тадбирҳои андешидаи мақомоти Амрико на танҳо ба зудӣ иқтисоди кишварро баланд мебардоранд, балки ба таҳким ва болоравии қурби доллар низ таъсир мерасонанд. Дар ин бора Максим Петроневич, иқтисоддони аршади бонки "Откритие" ба "Российская газета" гуфтааст.
Ба гуфтаи ӯ, Иёлоти Муттаҳида метавонад зуд маҳдудиятҳои дар натиҷаи пандемияи коронавирус бадастомада, ки ба рушди иқтисод монеа эҷод мекунанд, рафъ кунад. Ин аз ҳисоби кам шудани афзоиши беморӣ ва эмгузаронии сареъи аҳолӣ ба амал меояд.
Петроневич қайд кард, ки дар соли 2021 доллар ба дастгирии миқёси бузурги молиявӣ ба иқтисоди Амрико таъсири мусбат хоҳад расонд. Ин, ба гуфтаи коршинос, имкон медиҳад, ки то охири сол зуд ба нишондодҳои рушди пеш аз бӯҳрон баргардад.
"Доллар инчунин бо коҳиши тадриҷии таъсири чораҳои Бонки марказии Амрико оид ба пур кардани бозорҳои молиявии ҷаҳонӣ бо пардохтпазирии доллар тақвият хоҳад ёфт", - таъкид кард Петроневич.
Ғайр аз он, коршинос яке аз омилҳоеро номбар кард, ки ба таҳкими рубл таъсир мерасонанд. Ин вуруди маблағҳои ғайрирезидентҳо ба бозори Вомбаргҳои қарзии федералӣ мебошад.
Ғайр аз он, коршинос яке аз омилҳоеро номбар кард, ки ба таҳкими рубл таъсир мерасонанд. Ин вуруди маблағҳои ғайрирезидентҳо ба бозори Вомбаргҳои қарзии федералӣ мебошад.
"Онҳоро интизориҳои ҳосили баланди купон ва дурнамои фоидаи хуб дар шароити коҳиши интизоршавандаи таварруми солона ҷалб хоҳанд кард",- гуфт мутахассис.
Ба гуфтаи вай, дар давоми моҳи март рубл метавонад нишондиҳандаи олӣ 73 рублро нисбат ба доллар ва 86 рублро нисбат ба евро нишон диҳад.
Ҳамзамон, иқтисоддон коҳиши евроро пешбинӣ мекунад. Ин метавонад ба суст шудани маҳдудиятҳои коронавирус вобаста бошад.
Аллакай, асъор нисбат ба доллар суст шудааст: аз 1,22 барои як евро ба 1,19 барои як евро. Петроневич гуфт, ки ин тамоюл дар ояндаи наздик низ идома хоҳад ёфт.