ДУШАНБЕ, 10 дек — Sputnik. Кормандони милитсия дар ноҳияи Рӯдакӣ сокини маҳаллиро боздошт намуданд, ки ба фурӯши гӯшти пстсифат машғул буд.
Ба иттилои манбаъ, Тӯраев Абдурашиди 56 - сола, дар таҳхонаи манзили истиқоматии худ дар шароити бади санитарӣ ба коркарди каллаҳои гов ва гӯсфанд машғул будааст.
Манбаъ меафзояд, Тӯраев гӯшти омоданамударо бо дӯконҳои самбусафурӯшӣ бурда, мефурӯхтаст.
Таъкид мегардад, ки гӯшти омоданамудаи ӯ ба ягон талаботи санитарӣ ҷавобгӯ набуда метавонад инсонро ба ҳар гуна маризиҳо гирифтор кунад.
Боздошти се соҳибкор дар Душанбе барои фурӯши 60 тонна гӯшти пастсифат ва бӯйзада - видео
Кормандони милитсия аз таҳхонаи сокини маҳаллӣ ба миқдори 173 килограмм гӯшти пастсифатро дарёфту мусодира карданд.
ВУД Тоҷикистон мегӯяд, феълан дар робита ба ҳолати мазкур корҳои тафтишотӣ идома дорад.