ДУШАНБЕ, 20 ноя - Sputnik. Содир Ҷабборов иҷрокунандаи вазифаи кишвардори Қирғизистон фармони афви маҳбусонро имзо кард, хабар медиҳад котиботи Хадамоти давлатии иҷрои ҷазои ин кишвар.
Бар хабари манбаъ, Ҷабборов 230 маҳбусро озод намуда, ҳамчунин мӯҳлати 38 маҳкумшударо кам кард.
Гуфта мешавад, то 18 ноябр ба Котиботи Афв дасти кам 1800 аризаи маҳбусон ворид гардид.
"Кор дар ин самт идома дорад ва мо мунтазири натоиҷи қарор барои дархостҳои боқимонда ҳастем", - таъкид мешавад дар хабари Хадамоти давлатии иҷрои ҷазо.
Содир Ҷабборов номзадияшро барои дарёфти курсии президенти Қирғизистон гузошт
Қаблан дар як нишасти матбуотӣ, Содир Ҷабборов изҳор дошт, ки омодааст афродеро афв кунад, ки аз рӯи беадолатӣ боздошт шудаанд.
Ба гуфтаи ӯ, афроди бегуноҳ аз ҳисоби "подстава" -и кормандони мақомоти ҳифзи ҳуқуқ ба колонияҳои ислоҳӣ меоянд.