ДУШАНБЕ, 10 ноя — Sputnik. Неъматзода Маликшо Маҳмадшо раиси Федератсияи иттифоқҳои касабаи мустақили Тоҷикистон интихоб гардид.
Интихоби раис ва муовинон аз масъалаҳои меҳварии ҷаласаи Шӯрои генералии Федератсияи иттифоқҳои касабаи мустақили Тоҷикистон буд, ки имрӯз баргузор шуд.
Инчунин Файзизода Исмоил Нарзӣ, муовини якум ва Назарзода Нигора Нураҳмад, муовини раиси Федератсияи иттифоқҳои касабаи мустақили Тоҷикистон интихоб шуданд.
Ба иттилои “Ховар”, Федератсияи иттифоқҳои касаба инчунин нақшаи корӣ барои солҳои минбаъдаро тасдиқ намуд.
“Инчунин лоиҳаи “Созишномаи генералӣ байни Ҳукумати Ҷумҳурии Тоҷикистон, Федератсияи иттифоқҳои касабаи мустақили Тоҷикистон ва Иттиҳодияи корфармоёни Ҷумҳурии Тоҷикистон барои солҳои 2021-2023” баъди баррасии аъзои Шӯрои генералӣ маъқул дониста шуда, барои баррасӣ ба Ҳукумати Ҷумҳурии Тоҷикистон пешниҳод гардид”, - омадааст дар иттилоия.