ДУШАНБЕ, 14 июн - Sputnik. Нурболо Эсанбоев, муовини вазири умури хориҷаи Қирғизистон, таъкид доштааст, ки ҳар рӯз шумори мубталоён ва омори даргузаштагони “Ковид -19” афзоиш меёбад ва дар сурате, ки мардум усули беҳдоштиро риоят накунанд, талошҳои пизишкон бесамар хоҳад шуд, иттилоъ додааст хабаргузории “Парстудей”.
Муовини вазири умури хориҷаи Қирғизистон бо эъломи 38 мавриди коронаи ҷадид дар ин кишвар гуфт, шумори мубталоён дар ин кишвар ба ду ҳазору 93 нафар расид ва то кунун 26 нафар фавт кардаанд.
Ҳамзамон вай афзуд, ки 409 пизишк низ ба корона мубтало шуданд, ки 294 нафар аз онон беҳбуд ёфтанд.
Бояд қайд кард, ки нахустин мавриди вируси корона дар Қирғизистон 18 марти соли ҷорӣ сабт шуд ва пас аз ин дар ин кишвар қарантинаи умумӣ ва ҳатто дар бархе манотиқ вазъияти фавқуллода ҷорӣ шуд.