ДУШАНБЕ, 24 май — Sputnik. Лоиҳаи қонун дар бораи мамнуияти воридоти раввғани палм аз тарафи парлумони Тоҷикистон тасдиқ шуд.
Тибқи ин лоиҳа, воридоти анвои намуди равғани палм ба Тоҷикистон мамнуъ мебошад ва танҳо дар сурати истифода ба унвони маводди мавриди ниёз дар тавлиди маҳсулот, ба миқдори маҳдуд иҷозат хоҳад буд.
Ба Хадамоти давлатии гумрук, Вазорати тандурустӣ ва Кумитаи таъмини амнияти ғизоии Тоҷикистон дастур дода шуда, ки назорат бар раванди воридоти равғани палмро шиддат бахшанд.
Ҳамчунин воридоти маҳсулоте, ки дар таркиби онҳо равғани палм истифода шуда танҳо пас аз озмоиш ва мушаххас шудани зарарнок набудани мизони ин намуди равған барои саломатии шаҳрвандон имконпазир хоҳад буд.
Ёдрас мешавем, ки дар соли 2019 Созмони ҷаҳонии беҳдошт равғани палмро барои саломатии инсон зараровар эълом кард ва дар радаи сигор ва маводи спиртӣ қарор дод.