ДУШАНБЕ, 25 фев — Sputnik. Рамазон Қодиров раисҷумҳури Чеченистон бо размикори муҳорибаҳои омехта Александр Емеляненко спарринг баргузор намуд. Аксҳои қувваозмоии худ бо Қодировро варзишгар дар сафҳаи худ дар Instagram ҷой додааст.
Зери аксҳои интишоркарда, Емеляненко навиштааст, ки Рамазон ба ҳарфҳои гуфтаи худ ҷавоб дод ва дастпӯш пӯшонда вориди октагон шуд.
Рамазон Қодиров ҳанӯз моҳи декабри соли 2019 дар сафҳаи худ дар Instagram Алекандр Емеляненкоро ба майдони набард хонд.
Қодиров ба пайравандаҳои сафҳаи худ дархост намудаст, то интихоб кунанд, ки муҳорибаи онҳо аз рӯи кадом намуди варзиш, бокс ё муҳорибаи омехта, доир шавад.
Рамазон Қодиров бо як назар блогерро нокаут кард - видео
Зимнан, Емеляненко даъвати Қодировро пазируфт ва интихоби рақобатро ба ӯ вогузор кард. Қодиров дар ҷавоб гуфт, Емеляненкоро дар даври панҷум нокаут хоҳад кард.
Даъвати роҳбари Чеченистон барои набард бо Емеляненко пас аз ғалабаи ӯ бо Михаил Кокляев сурат гирифт.