ДУШАНБЕ, 5 фев — Sputnik. Кумитаи миллии олимпӣ иттилоъ дод, ки мусобиқа дар Покистон имрӯз оғоз гардид.
Лижаронҳо аз кишварҳои гуногун, аз ҷумла Баҳриддин Ғоибов, Сайфиддини Низомиддин ва Саидашраф Эшонов аз Тоҷикистон барои Ҷоми Қароқурум сабқат хоҳанд кард.
“Ҷиҳати иштирок дар 4-ум мусобиқаи байналмилалии Ҷоми Қароқурурум ва мусобиқаи байналмилалӣ оид ба лижаронии кӯҳии Малам Ҷабба, ки то 11 феврал идома меёбад, аз ҷумҳурии мо се варзишгар – Баҳриддин Ғоибов, Сайфиддини Низомиддин ва Саидашраф Эшонов сафарбар гардидаанд”, - омадааст дар иттилоия.
Кумита тавзеҳ дод, ки варзишгарони тоҷик дар ду қувваозмоӣ – слалом ва гигант слалом, бо варзишгарони беш аз 10 давлат зӯрозмоӣ мекунанд.
Мусобиқаҳо дар осоишгоҳҳои зимистонаи Малам Ҷабба ва Налтари Покистон баргузор мешаванд.