ДУШАНБЕ, 15 янв — Sputnik. Раисҷумҳури Русия Владимир Путин пешниҳод намудаст, ки талабот барои номзадҳо ба мансаби президентӣ сахттар карда шавад.
Владимир Путин аснои ироа намудани паёми солонаи худ ба Маҷлиси федеролӣ таъкид намуд, ки довталаб ба курсии президентӣ бояд, ҳадди ақал 25 сол дар қаламрави Русия зиндагӣ кунад ва танҳо шаҳрвандии ин кишварро дошта бошад.
Ба гуфтаи Путин, Русия бояд як ҷумҳурии пурқудрати президентӣ боқӣ бимонад.
Путин душвортарин рӯйдод дар ҳаёташро гуфт
Путин ҳамчунин ба масъалаи барои ду давр пайи ҳам интихоб шудани як нафар ба ҳайси раисҷумҳур мудохила карда гуфт, ки гарчанд ин масоилро принсипиалӣ намеҳисобад, вале ба ҳар сурат розӣ аст.
Ёдовар мешавем, ки раисҷумҳури Русия Владимир Путин имрӯз ба Маҷлиси федеролӣ паёми солона ироа намуд. Дар паёми солонаи худ Владимир Путин чандин масоил, аз ҷумла дар самти дастгирӣ намудани оилаҳои серфарзанд, таъмин намудани толибилмони аз синфи 1 то 4 бо хӯроки бепул дар муассисаҳои таълимӣ, тамдид додани барномаи "Кӯмакпулӣ барои модарон" то соли 2026 ба Маҷлиси федеролӣ ироа намуд.