Тазоҳурот дар Бишкек

Тазоҳургарон аз ҳукумати Қирғизистон талаб намуданд, то собиқ муовини роҳбари гумрук Раҳим Матраимов боздошт шавад.

Гаронии нархи бензин ба тазоҳуроти густурда дар Эрон оварда расонд - акс

20 ноябри 2019, 15:00

Гирдиҳамоӣ тақрибан соати 11:30 дақиқа оғоз ёфта то 1,5 соат тӯл кашид. Шаҳрвандони норизо аз кори сохтори гумруки ҷумҳурӣ ва алалхусус аз фасодкории собиқ муовини роҳбари гумрук изҳори нигаронӣ намуда, талаб кардан, ки Раҳим Матраимов ба иллати даст доштан дар фасод боздошт шавад.

Тазоҳуроти савдогарони бозор ва талаби вохӯрӣ бо раиси шаҳр - акс

Гузашта аз ин эътирозгарон тақозо намуданд, ки ҳамаи ришваситонҳо боздошт ва равонаи зиндон шаванд.

Гуфта мешавад, бо талаби ин дархостҳо ба кӯчаҳои Бишкек наздики 1200 нафар рехта, шиорҳо алайҳи ҳукумат бардошта, садо баланд мекарданд.

Илова бар ин, эътирозгарон корти зард ба давлат нишон доданд ва ба гуфтаи баргузоркунандагон пас аз корти зард корти сурх ба кор бурда хоҳад шуд.

Амрико ба оташи хашми тазоҳургарони Эрон равған мерезад

Гирдиҳамоӣ бо хондани суруди миллии Қирғизистон оғоз шуд ва мӯътаризон беш аз 1соат дар муқобили кохи раёсатҷумҳурӣ таҷаммӯъ карданд.

Мақомоти давлатӣ барои гуфтугӯ дар ҷамъи эътирозгарон зоҳир нашуданд ва таҷаммӯъ бидуни натиҷа поён ёфт.

1 / 13

Дар маркази Бишкек тазоҳурот алайҳи фасодкорӣ дар сохтори гумрук баргузор гардид

2 / 13

Дар тазоҳурот наздики 1200 нафар иштирок карданд

3 / 13

Дар гирдиҳамоӣ бештар ҷавонон иштирок ва садо баланд мекарданд

4 / 13

Тазоҳурот дар заминаи як таҳқиқоти журналистӣ сурат гирифт, ки дар он собиқ муовини раҳбари гумруки ҷумҳурӣ Раҳим Матраимов ба фасодкорӣ муттаҳам дониста мешавад

5 / 13

Корманди собиқи гумрук ба он айбдор мешавад, ки гӯё ба як гурӯҳи бонуфуз - оилаи Ҳабибул Абдуқодир барои ворид кардани қочоқ ба Қирғизистон, Қазоқистон ва Русия кумак мекард

6 / 13

Тазоҳургарон бар инанд, ки собиқ муовини роҳбари гумрук, 700 миллион долларро аз қаламрави Қирғизистон берун овардаст.

7 / 13

Акси Раҳим Матраимов, ки дар Қирғизистон аз ӯ Раҳим Миллионер ном мебурданд.

8 / 13

Тазоҳургарон дар даст сурати Раҳим Матраимов, муллақаб ба Раҳим миллионер гирифта, маҳкум ба зиндон шудани ӯро тақозо мекарданд.

9 / 13

Эътирозгарон соати 11:30 дақиқа гирд омаданд.

10 / 13

Эътирозгарон то "Қасри сафед" роҳпаймоӣ карданд ва сипас ба ҷойи аввалии худ баргаштанд.

11 / 13

Тазоҳургарон ҳабси Раҳим Матраимов, боздошти дастандаркорони фасод, ва баргузории ислоҳоти ҷиддиро тақозо намуданд.

12 / 13

Тазоҳургарон ҳабси Раҳим Матраимов, боздошти дастандаркорони фасод, ва баргузории ислоҳоти ҷиддиро тақозо намуданд.

13 / 13

Аксар эътирозгарон бо худ чойи гарм ва ширинӣ оварда, дигаронро зиёфат мекарданд.

Тазоҳурот дар Бишкек: эътирозгарон боздошти собиқ мақомдори гумрукро тақозо доранд