ДУШАНБЕ, 29 окт — Sputnik. Ба иттилои Вазорати умури дохилии Тоҷикистон, кормандони милитсия сокини кӯчаи Айнии ноҳияи Шоҳмансурро бо гумони қаллобӣ дастгир намуданд.
Бар хабари манбаъ, номбурда моҳи октябри соли 2013 бо масмлиҳати пешакӣ бо писараш, бо роҳи фиреб ба боварии сокини 58 - солаи кӯчаи Зарнисори пойтахт даромада, аз ӯ 71 ҳазору 125 доллар гирифтанд.
Фиребхӯрии сокини Душанбе: ҳам хонаро аз даст дод ва ҳам пули калонро
Бар ивази маблағи гирифтаашон ба ин зан ваъда додаанд, ки аз биноҳои баландошёнаи сохтмонаш нотамом, воқеъ дар кӯчаи Аҳмади Дониш, хонаи истиқоматӣ гирифта медиҳанд, - гуфта мешавад дар хабари манбаъ.
Гуфта мешавад, ваъдаи онҳо бардурӯғ буда, то ҳол ба ҷабридида на хонаи истиқоматӣ ва на маблағи аз ӯ гирифтаро додаанд.
Боздошти қаллобе, ки 59 200 доллари сокинони Ҳисорро гирифта барнагардонд
ВУД Тоҷикистон мегӯяд, оид ба ин ҳодиса парвандаи ҷиноятӣ бо моддаи 247 Кодекси ҷиноятии тоҷикистон парванди ҷиноӣ боз гардида, тафтишот идома дорад.