ДУШАНБЕ, 30 июл — Sputnik. Имрӯз мунтахаби зери 16 солаи Тоҷикистон дар Қаҳрамонии CAFA-2019 бозии муҳими худро бар муқобили мунтахаби Эрон баргузор мекунад.
Бар хабари Кумитаи миллӣ олимпии Тоҷикистон, қаблан шогирдони Аҳлиддин Турдиев бо тимҳои Ӯзбекистон (1:1), Қирғизистон (2:0) ва Туркманистон (3:0) дидор анҷом дода буданд.
Футболбозони тоҷик барои иштирок дар мусобиқа ба Арабистони Саудӣ сафар карданд
Бозии имрӯза барои яккачини Тоҷикистон хеле муҳим мебошад, чарои ки дар сурати пирӯзӣ бар мунтахаби Эрон онгоҳ имкони ғолиб шудан дар қаҳрамонии CAFA-2019 бештар мегардад.
Дар ҳамин рӯз Афғонистон бо Ӯзбекистон ва Туркманистон бо Қирғизистон рӯ ба рӯ мешаванд.
Футболбозони тоҷик бар дастаи Ҳиндустон бо ҳисоби 4:2 пирӯз шуданд
Дар айни замон тимҳои Тоҷикистон ва Афғонистон бо касби 7 холӣ дар зинаҳои якуму дуюм қарор доранд.
Дар ҷои сеюм бошад, Эрон бо дарёфти 6 имтиёз мавқеъ касб намудааст.