ДУШАНБЕ, 12 июл — Sputnik. Додгоҳи ҳарбии шаҳри Маскав, 7 нафар шаҳрвандони Тоҷикистонро, ки дар ташкил намудани садамаи қатораи "Сапсан" даст доранд, ба мӯҳлати аз 15 то 21 сол равонаи зиндон намуд.
Дар ин бора сомонаи РИА Новости хабар дода, афзудааст, ки ҳар ҳафт шаҳрванди Тоҷикистон, узви созмони террористии ДОИШ ҳастанд.
Маҳкумшудаҳо: Муҳаммад Бобоёров, Ҷумахон Баймонов, Фарҳод Наҷмидинов, Сӯҳробҷон ва Фарҳодҷон Нозимовҳо, Абдулғафор ва Ҳамроҷон Рауповҳо, ҳамагӣ шаҳрвандони Тоҷикистон ҳастанд.
Тавре тафтишот муайян кардаст, маҳкумшудаҳо ҳанӯз 13-уми июли соли 2017, ба хотири ташкил намудани садама, сохтори металлиеро дар роҳи қатора васл намуданд.
220 муҳоҷир ва 80 парванда: боздошти оммавии муҳоҷирон дар Санкт-Петербург
Қатораи "Сапсан", ки аз самти "Маскав-Санкт-Петербург" ҳаракат мекард, аз болои ин сохтор гузашт ва хушбахтона дучори садама ҳам нашуд.
Вале дасти кам панҷ вагони ин қатора сахт тахриб шуданд. Гуфта мешавад, аз миёни 7 маҳкумшуда танҳо як нафар гуноҳашро ба гардан гирифт.
Тахмин мезананд, ки шаҳрвандони Тоҷикистон ба ин ҷиноят ба хотири ибрози эътирозашон алайҳи амалиёти низомии Русия дар Сурия даст заданд.
Онҳо ният доштанд, ки пас аз анҷоми ин ҳодиса, тариқи интернет аз ҳукумати Русия дархост намоянд, то низомиёни худро аз хоки давлати Сурия берун орад.