ДУШАНБЕ, 15 мая — Sputnik. Барномаи даъвати баҳорӣ ба суфуфи нерӯҳои мусаллаҳи Тоҷикистон то ба ҳол 88 дарсад иҷро шуд, гузориш медиҳад ТоҷикТА.
Бино ба иттилоъи маркази матбуъотии вазорати дифоъи Тоҷикистон, ин шохис дар ВМКБ 103 дарсад, дар Суғд 87 дарсад, дар Хатлон 86 дарсад, дар ноҳияҳои тобеъи ҷумҳурӣ87 дарсад ва дар Душанбе 100 дарсад иҷро гардид.
Ёдовар мешавем, ки даъвати баҳорӣ ба хидмати сарбозӣ дар ҶТ 1 апрел оғоз шуд ва то 31 май идома хоҳад ёфт.
Аввалҳои моҳи апрел нақшаи даъват ҳамагӣ 36 дар сад иҷро шуда буд.
Ин барнома дар ВМКБ 106 дарсад, дар устони Суғд 35 дарсад, дар ноҳияҳои тобеъи ҷумҳурӣ 36 дарсад, дар устони Хатлон 32 дарсад ва дар Душанбе 36 дарсад иҷро шуд.
Аввалин шуда нақшаро вилояти мухтори Кӯҳистони Бадахшон иҷро кард.