ДУШАНБЕ, 26 фев — Sputnik. Тибқи иттилои Вазорати дифои Русия ироаи таҷҳизот кумак барои ҳифзи сарҳади Тоҷикистон мебошад.
Дар феҳрасти таҷҳизоте, ки ба Тоҷикистон дода мешаванд, аз ҷумла истгоҳҳои махсуси радиолокатсионӣ ном бурда шудаанд, ки барои ошкор ва назорати дастгоҳҳои ҳавоӣ хидмат мекунанд.
“Таҷҳизоти мазкур тавоноии қувваҳои мусаллаҳи Тоҷикистонро бештар карда, ҳифзи фазои кишварро аз ҳар гуна зуҳуроти террористӣ таҳким мебахшад”, - таъкид шудааст дар иттилоияи Вазорати дифои Русия.
Ин дар ҳолест, ки қаблан Тоҷикистон аз кишварҳои узви СПАД дархост карда буд, ки созиш барои кумак дар таҳқими ҳифзи сарҳад бо Афғонистонро, ки ба манфиати ҳамаи кишварҳо мебошад, ҳар чи зудтар татбиқ гардад.