ДУШАНБЕ, 19 окт – Sputnik. Пётр Порошенко, раисҷумҳури Украина рӯзи 18 октябр бо фармони худ Виктор Никитюкро аз мақоми сафири Украина дар Тоҷикистону Афғонистон озод кард.
Фармони аз вазифа озод намудани Виктор Никитюк дар сомонаи раисҷумҳури Укроин нашр шудааст.
Виктор Никитюк аз 30 августи соли 2012 вазифаи сафири Украина дар Тоҷикистон ва аз 6 декабри соли 2013 ҳамзамон мақоми сафири Украина дар Афғонистонро бар ӯҳда дошт. Қароргоҳи ӯ дар Душанбе буд.
Дар фармони Петро Порошенко сабаби барканории Виктор Никитюк аз мақом зикр нашудааст.
Дар фармон танҳо омадааст, ки Виктор Никитюк аз мақоми сафири фавқулодда ва мухтори Украина дар Тоҷикистону Афғонистон озод карда шавад.