ДУШАНБЕ, 10 апр — Sputnik. Тими "Хуҷанд"- и Хуҷанд дастаи "Регар-ТадАЗ" —и Турсунзодаро шикаст дод, хабар медиҳад дафтари матбуотии Ҳукумати вилояти Суғд.
Бино бар иттилои манбаъ, бозӣ бо ҳисоби 2:1 ба нафъи соҳибони майдон хотима ёфт.
"Аз дастаи "Хуҷанд" голҳоро Ҷаҳонгир Эргашев ва Дилшод Бозоров ба ҳадаф расониданд. Ягона голи ҷавобиро ба дарвозаи "Хуҷанд" Саидамири Саидаҳмад ворид сохт",- гуфта мешавад дар иттилои манбаъ.
Бояд зикр кард, ки бо натиҷагирӣ аз 4 давр дар ҷадвали чемпионат дастаи "Хуҷанд" дар ҷои аввал аст. Дастаи "Истиқлол", ки як бозӣ кам анҷом додааст, бо фарқи як тӯб дар мақоми дуюм ҷой гирифтааст. Сегонаи аввалро КМВА "Помир" бо 6 хол ҷамъбаст мекунад.