ДУШАНБЕ, 15 фев — Sputnik. Порсол ширкати “ТАЛКО” 2,5 милёрд кВт/соат нерӯи барқ масраф карда, ки 412,2 милюн кВт/соат камтар аз перорсол аст.
“Ширкати “ТАЛКО” соли гузашта 2,533 милёрд кВт/соат нерӯи барқ масраф карда, ки 412,2 милюн кВт/соат камтар аз соли 2016 аст”, — гузориш дод раиси ширкати “Барқи тоҷик” Мирзо Исмоилзода.
Вай ёдоварӣ кард, ки корхонаи алюминии Тоҷикистон перорсол 2,95 милюн кВт/соат нерӯи барқ масраф карда буд.
Исмоилзода ҳамчунин гузориш дод, ки нерӯгоҳҳои ширкати “Барқи тоҷик” дар соли 2017 куллан 15,36 милёрд кВт/соат нерӯи барқ тавлид кардаанд, ки 955,8 милюн кВт/соат бештар аз соли 2016 аст. Аз ин миқдор 16,5 дарсадро ширкати “ТАЛКО” масраф кардааст.
Дар соли 2016 ин ширкат 20,4 дарсад аз кулли барқи тавлидии корхонаҳои “Барқи тоҷик”-ро масраф карда будааст.