ДУШАНБЕ, 2 фев — Sputnik. Ҷамъ шудани ҷангҷӯён дар шимоли Афғонистон ҳеч таҳдиде барои Тоҷикистон надоранд, мегӯяд Сайфулло Сафаров, муовини аввали мудири Маркази пажӯҳишҳои роҳбурдии раёсатҷумҳурии Тоҷикистон.
"Дар Афғонистон ҷамъ шудани ҷангҷӯёни гурӯҳҳои теруристии мухталифе, ки аз Ироқу Сурия интиқол меёбанд, сурат мегирад, ҳарчанд ҳукумати Кобул ин воқеъиятро инкор мекунад", — гуфт вай.
Коршинос бар ин назар аст, ки интиқоли ҷангҷӯёни бархе аз гурӯҳакҳои шикастхӯрдаи ДОИШ аз Ироқу Сурия ба шимоли Афғонистон феълан хатаре барои Тоҷикистон надорад.
“Мо марз бо Афғонистонро ба андозаи кофӣ таҳким додаем. Русия нерӯҳои моро бо ҷангафзорҳо тақвият карда ва тавони размии пойгоҳи низомии 201-уми Русия низ нерӯмандтар шудааст”, — таъкид кард Сафаров.
Ба гуфти вай, агар Тоҷикистон аз шимоли Афғонистон таҳдид шавад, Чин ҳам ба пуштибонӣ аз кишвар хоҳад шитофт.