ДУШАНБЕ, 5 апр – Sputnik. Бузургтарин ширкати ҳавопаймоии Тоҷикистон Сомон Эйр парвозҳоро дар хатсайри Душанбе – Деҳлӣ – Душанбе оғоз кард.
Дар ин бора дафтари матбуоти ширкати ҳавоии Сомон Эйр хабар додааст.
Ба иттилои манбаъ, парвозҳо ҳафтае ду маротиба — рӯзҳои душанбе ва панҷшанбе анҷом дода мешаванд.
Арзиши чипта тибқи иттилои сомонаи ин ширкати ҳавопаймоӣ 195 евро (2151 сомонӣ)-ро ташкил медиҳад.
Ёдовар мешавем, ки чанде пеш эъхлон кард, ки парвозҳоро аз Душанбе ба Дубай ва баръакс ар сар мегирад.
"Ҳавопаймоҳо бояд аз фурудгоҳи байналмилалии Al Maktoum International Airport (DWC) фуруд оянд ва парвоз кунанд. Чиптаҳоро дар ҳама платформаҳо харидан мумкин аст", - гуфта мешавад дар изҳороти ширкати ҳавопаймоӣ дар канали Telegram.
Қаблан, дар пасманзари авҷ гирифтани низоъ дар Ховари Миёна, ширкати ҳавопаймоии "Сомон Эйр" қарори худро дар бораи боздоштани парвозҳо дар масири Душанбе-Дубай-Душанбе то 6 март эълон карда буд.
Айни замон ширкат парвозҳои мунтазамро аз Тоҷикистон ба Олмон, АМА, Туркия, Чин, Арабистони Саудӣ, Эрон, Ҳиндустон, Русия, Қазоқистон, Ӯзбекистон ва Қирғизистон анҷом медиҳад.