ДУШАНБЕ, 4 апр - Sputnik. Артиши Русия дар тӯли як ҳафтапешравиҳои назхаррас нишон дода боз панҷ деҳаи дигарро дар минтақаи амалиёти вижаи низомӣ озод кардааст, иттилоъ додааст хабаргузории “РИА Новости”, дар истинод ба вазорати дифоъ.
Тибқи ҳисобҳои ин ниҳод, панҷ маҳалла аз 30 март то 5 апрел зери назорати Нерӯҳои Мусаллаҳи Русия қарор гирифтанд: ду деҳа дар минтақаи Харков ва Запороже ва якто дар минтақаи Сумы.
Аз 23 то 29 март, нерӯҳои Русия панҷ маҳаллаи аҳолинишинро озод карданд: сето дар минтақаи Харков ва дуто дар ҶМД.
Амалиёти вижа дар Украина
Русия оғоз аз 24-уми феврали соли 2022 дар Украина амалиёти вижаи низомӣ мебарад. Владимир Путин, президенти Русия, рисолати худро "ҳифозати одамоне, ки тӯли ҳашт сол аз сӯи режими Киев мавриди таҳқир ва наслкушӣ қарор гирифтаанд" тавсиф кард.
Ба гуфтаи вай, ҳадафи ниҳоии амалиёти вижаи низомӣ озодсозии Донбасс ва фароҳам овардани шароитест, ки амнияти худи Русияро кафолат медиҳад.
Кишварҳои ғарбӣ даст доштан дар даргириҳои Украинаро расман рад мекунанд, вале ба таъмини нирӯҳои мусаллаҳи Украина бо силоҳ идома медиҳанд. Вазири корҳои хориҷии Русия Сергей Лавров қайд кард, ки ҳама гуна интиқоли аслиҳа ба Украина ҳадафи қонунии Русия хоҳад буд.
Вазорати хориҷаи Русия изҳор дошт, ки кишварҳои НАТО бо интиқоли силоҳ ба Украина "бо оташ бозӣ мекунанд". Дар ҳамин ҳол, Маскав борҳо омодагии худро барои оғози музокирот дар бораи ҳалли низоъ изҳор доштааст, аммо Киев барои музокирот мамнӯъияти қонунӣ ҷорӣ кардааст.