ДУШАНБЕ, 2 апр – Sputnik. Музокироти сеҷониба оид ба ҳалли масъалаи Украина боздошта шудааст, аммо ҷониби Русия бо ИМА дар тамос аст ва пеш аз ҳама "мушкилоти Украина"-ро баррасӣ мекунад, гуфт ёвари президенти Русия Юрий Ушаков.
"Ҳоло дар музокироти сеҷониба таваққуф вуҷуд дорад. Мо бо амрикоиҳо дар тамос ҳастем, аммо мебинем, ки украиниҳо низ бо онҳо фаъолона музокирот мекунанд. Айни замон, музокиракунандагони амрикоӣ, чунон ки медонем, ба мушкилоти дигар бештар машғуланд", - гуфт Ушаков ба хабарнигорон.
Ин посухи ӯ ба дархости равшан кардани он буд, ки оё айни замон дар тамос бо амрикоиҳо дар мавриди масъалаи Украина таваққуф вуҷуд дорад. Ӯ инчунин ба саволи он, ки оё ИМА тарафи Русияро аз пешрафти музокироти худ бо украиниҳо огоҳ мекунад, посух дод.
"Раванди тамосҳо идома дорад ва дар ин тамосҳо мо асосан масъалаҳои Украинаро муҳокима мекунем", - гуфт Ушаков.