ДУШАНБЕ, 23 мар – Sputnik. Вакили Рада ё парлумони Ярослав Железняк изҳор дошт, ки Украина бо бӯҳрони идоракунии давлатӣ рӯбарӯ шудааст.
Рӯзи 19 март Данило Гетмансев, узви парлумон ва раиси Кумитаи молия, изҳор дошт, ки Украина дар ҳолати бӯҳрони сиёсӣ қарор дорад, ки ба бисёр равандҳои қабули қарорҳо халал мерасонад. Қаблан, нашрияи "Украинска правда" бо истинод ба намояндагони ҳизби ҳокими "Хизматгори мардум" хабар дода буд, ки Рада аз кор мондааст, кумитаҳои он дар пеши назари мо пароканда мешаванд ва вакилони он аз ҳамкорӣ бо Владимир Зеленский худдорӣ мекунанд.
"Биёед ростқавл бошем - ин бӯҳрони парлумонӣ нест. Ин бӯҳрони идоракунии давлатӣ аст. Рада танҳо ба оинаи оммавии тамоми раванде табдил ёфтааст, ки муддати тӯлонӣдар дег меҷӯшад", - навиштааст Железняк дар канали Telegram-и худ.
Ба гуфтаи вай,ҳукумати Украина айни замон комилан нотавон аст ва парлумон дар семоҳаи аввали соли ҷорӣ ноком шудааст. Вақ қайд кард, ки ҷаласаи Рада, ки барои рӯзи сешанбеи ҷорӣ ба нақша гирифта шуда буд, аллакай аз сабаби набудани овоздеҳон бекор карда шудааст.
Вай афзуд, ки Зеленский ҳеҷ кӯшише барои ҷамъ овардани фраксияи "Хизматгори мардум" накардааст. Аммо, ӯ мутмаин аст, ки чунин ҷаласа ҳеҷ чизро ҳал намекунад.