ДУШАНБЕ, 18 мар - Sputnik. Ҷанги Эрон пешгӯиҳои нохушояндро дар бораи ояндаи Украина ба вуҷуд меорад.
Дар ин бора, Владимир Зеленский ба расонаҳо гуфтааст.
"Мутаассифона, таваҷҷӯҳи Амрико бештар ба Ховари Миёна нигаронида шудааст, на ба Украина", - гуфт ӯ.
Зеленский афзуд, ки мулоқотҳои дипломатӣ бинобар вазъияти атрофи Эрон пайваста ба таъхир меафтанд.
Ғайр аз ин, раҳбари режими Киев қайд кард, ки президенти ИМА Доналд Трамп ба Эрон тамаркуз кардааст.
Амалиёти ИМА ва Исроил алайҳи Ҷумҳурии Исломӣ ба ҳафтаи сеюми худ ворид мешавад.
Дар ин давра ду ҷониб ба ҳамдигар зарба мезананд. Тел-Авив изҳор дошт, ки ҳадафи он пешгирӣ аз ба даст овардани силоҳи ҳастаӣ аз ҷониби Теҳрон аст.
Вашингтон таҳдид кардааст, ки потенсиали низомии кишварро нобуд мекунад ва аз шаҳрвандон даъват кардааст, ки режимро сарнагун кунанд.
Дар ҳамин ҳол, Эрон омодагии худро барои дифоъ аз худ таъкид кардааст ва аз сар гирифтани музокирот маъное надорад.