ДУШАНБЕ, 19 фев – Sputnik. Раиси Кумитаи давлатии сармоягузорӣ ва идораи амволи давлатии Тоҷикистон Султон Раҳимзода дар мулоқот бо Вазири саноат, маъдан ва тиҷорати Эрон Сайидмуҳаммад Аттобак аз рушди ҳамкориҳои иқтисодӣ ва тиҷоратӣ таъкид кард.
Вай гуфт, Эрон дар раддабандии ҳамкориҳо ҷои панҷумро ишғол менамояд ва соли 2025 савдои дуҷониба ба 500 млн. доллари амрикоӣ расидааст, ки нисбат ба соли 2024 28% бештар шудааст.
Оқои Раҳимзода илова кард, ки айни замон бо сармояи эронӣ 170 корхонаи истеҳсолӣ фаъолият доранду ва ин раванд рӯ ба афзоиш аст.
“Махсусан дар самти саноати коркард, энергетика, сайёҳӣ ҳамкориҳо рушд доранд”, - қайд кард раиси Кумитаи сармоягузорӣ.
Дар ҳамин ҳол, вазири саноат, маъдан ва тиҷорати Эрон Сайидмуҳаммад Аттобакӣ изҳор дошт, ки соҳибкорони Эрон хоҳишманди сармоягузориҳо ба соҳаҳои маъдан, дорусозӣ, нассоҷӣ ва дигарҳо мебошанд.
Номбурда ҳамагонро ба татбиқи тафоҳумномаҳои баимзорасида даъват намуд.
Дар ин дидору мулоқот директори "Тоҷинвест" Дилшод Ҷӯразода имкониятҳои сармоягузории Тоҷикистонро муаррифӣ кард.
Баъдан соҳибкорону сармоягузорон аз ҳарду ҷониб мулоқоту машварат намуда, изҳори ҳамкории судманд намуданд.