ДУШАНБЕ, 3 фев – Sputnik. Дар соли 2025, 36 ҳаз. шаҳрванди Тоҷикистон аз Русия ихроҷ карда шуданд.
Ин рақамро раиси Хадамоти муҳоҷирати меҳнати Тоҷикистон Иматшо Нодирзода,, зимни нишасти матбуотӣ эълон кард.
Ӯ қайд кард, ки аз миёни ихроҷшудагон, 28 ҳаз. шаҳрванди Тоҷикистон тавассути марказҳои шуғл бо кор таъмин шудаанд.
Вазири меҳнати кишвар, Солеҳ Холмаҳмадзода таъкид кард, ки сабаби асосии ихроҷ ноҷурии ҳуҷҷатҳои лозима барои кор, аз ҷумла патент мебошад.
Ғайр аз ин, гузориш дода шуд, ки дар соли 2025 беш аз 35,5 ҳаз. шаҳрванди Тоҷикистон барои дубора ворид шудан ба Русия ба Хадамоти муҳоҷирати Вазорати меҳнат муроҷиат кардаанд.
Вазорат изҳор дошт, ки дар натиҷаи талошҳои ин хадамот, сафари 8,7 ҳаз. нафаре, ки барояшон муваққатан вуруд ба Русия манъ шуда буданд, пешгирӣ карда шуд.
Аз ин шумора, 6,6 ҳаз. нафар омӯзиши касбӣ ва мутобиқшавӣ ба бозори меҳнати дохилӣ, 3,7 ҳаз. нафари дигар омӯзиши касбӣ ва 2 ҳаз. шаҳрвандон дар Русия ба таври доимӣ кор кардаанд.
Қаблан, котиби генералии ИДМ Сергей Лебедев изҳор дошт, ки созмон мубориза алайҳи муҳоҷирати ғайриқонуниро идома хоҳад дод.
Барои ин мақсад, чорчӯби ҳуқуқӣ таҳия шуда, як қатор санадҳо қабул карда шуданд, ки масъалаҳои ҳамкории байни давлатҳоро дар тамоми доираи муносибатҳои иҷтимоӣ ва меҳнатӣ танзим мекунанд.
Ба гуфтаи ӯ, дар Русия як қатор ташаббусҳо барои нигоҳ доштани ҷолибияти муҳоҷирати меҳнатии дохилӣ "бе халалдор кардани амнияти миллӣ" амалӣ карда мешаванд. Масалан, ҷалби муташаккилонаи қувваи корӣ.