ДУШАНБЕ, 26 дек – Sputnik. Русия ҳамкории низомӣ ва низомию техникиро бо Тоҷикистон унсури калидии нигоҳдории сулҳ дар минтақаи Осиёи Марказӣ медонад.
Сафири Русия дар Душанбе Семён Григорьев дар мусоҳиба бо РИА Новости ин нуктаро изҳор дошт.
Дипломат таъкид кард, ки ду кишвар механизмҳои муассири ҳамкорӣ байни ниҳодҳои амниятии худро доранд.
Вазъи ноустувори Афғонистон, аз ҷумла ҳамлаҳои ахир ба хориҷиён дар марзи Тоҷикистону Афғонистон, ин ҳамкориро махсусан муҳим мегардонад.
Григорев инчунин аз ҳамоҳангии хадамоти иктишофӣ ва шӯроҳои амниятии Русия ва Тоҷикистонро қайд кард. Ҷонибҳо якҷоя вазъиятро таҳлил мекунанд ва равишҳои муштаракро барои таъмини амният таҳия мекунанд.
Ғайр аз ин, сафир нақши калидии Пойгоҳи низомии 201-умро барои амният дар Осиёи Марказӣ таъкид кард.
"Пойгоҳи низомии 201-уми Русия, бузургтарин иншооти низомии Русия дар хориҷ мебошад ва ҷузъи ҷудонашавандаи низомест, ки суботи минтақавиро таъмин мекунад", - гуфт ӯ.
Григорев инчунин рисолати пойгоҳро бо татбиқи барномаи муштараки СПАД оид ба тақвияти амният дар марзи Тоҷикистону Афғонистон рабт дода, онро ҳамчун як қисми марзҳои муштараки берунаи созмон муайян кард.
Хулоса, дар соли 2024 Созмони Паймони Амнияти Дастаҷамъӣ (СПАД) барномаи мақсадноки байнидавлатиро барои тақвияти марзи Тоҷикистону Афғонистон тасдиқ кард.
Барнома барои панҷ сол тарҳрезӣ шудааст ва маҷмӯи чораҳоеро дар бар мегирад, ки ба тақвияти назорати марз, навсозии инфрасохтор ва муҷаҳҳаз кардани нерӯҳои марзии Тоҷикистон бо таҷҳизоти муосири амниятӣ нигаронида шудаанд.
Марҳилаи аввал соли 2025, пас аз он ки корҳои назаррас дар самти таъмини силоҳ ва таҷҳизоти низомӣ анҷом дода шуда буданд, оғоз ёфт.
Дар охири соли 2025, СПАД ҳаҷми таҷҳизоти низомиро барои Тоҷикистон тасдиқ кард - таҳвили эҳтимолӣ аз Русия, Беларус ва Қазоқистон аллакай мувофиқа шудааст.