ДУШАНБЕ, 11 дек - Sputnik. Вазорати энержии Тоҷикистон, Нақшаи рушди системаи барқи Вилояти Мухтори Кӯҳистони Бадахшонро барои солҳои 2025-2050 қабул кард.
Нақша якҷоя бо Иттиҳодияи гидроэнергетикаи устувор ва бо дастгирии SECO ва "Помир Энерҷӣ" таҳия шудааст, гуфта мешавад дар хабарномаи хадамоти матуботии "Помир энерҷӣ".
Ин нақша, қадами нав барои амнияти энергетикӣ ва устувории иқлим дар ВМКБ гуфта шудааст.
"Нақшаи нави дарозмуддат харитаи роҳи равшанро барои гузариш ба ояндаи энергетикии камкарбон ва устувор ба иқлим пешниҳод мекунад, ки гидроэнергетикаи устуворро бо ҷойгиркунии оқилонаи технологияҳои офтобӣ ва нигоҳдорӣ муттаҳид мекунад", - омадааср дар хабарнома.
Манбаъ афзуда, ки ин аввалин нақша дар ҷаҳон аст, ки методологияи интихоби макони HydroSelect ва сертификатсияи стандарти устувории Hydropower-ро мустақиман ба банақшагирии системаи энергетикии миллӣ ворид мекунад.
Нақша кафолат медиҳад, ки сармоягузориҳои оянда аз ҷиҳати экологӣ масъул, аз ҷиҳати иҷтимоӣ фарогир ва самаранок идора карда мешаванд.
"Тоҷикистон ба ҷаҳон нишон медиҳад, ки банақшагирии устувори энергетикӣ чӣ гуна аст", - гуфтааст Ален Килаҷян, муовини директори иҷроияи Иттиҳоди устувори гидроэнергетика (HSA) зимни баррасии нақша.
Манбаъ афзуда, ки нақшаи нав роҳи гуногуни рушди энергияи барқароршавандаро нишон медиҳад, ки рушди иқтисодӣ, амнияти энергетикӣ ва дастрасии боэътимод ба нерӯи барқро барои сокинони ВМКБ мусоидат мекунад.