ДУШАНБЕ, 28 ноя - Sputnik. Кобул бо мақомоти Русия имконияти ба кор қабул кардани коргарони муҳоҷири афғонро дар соҳаи кишоварзӣ баррасӣ мекунад.
Дар ин бора, сафири Афғонистон дар Русия Ҳасан Гул Ҳасан ба РИА Новости гуфтааст.
"Мо ба наздикӣ дар Тотористон будем ва дар ин бора бо раиси Тотористон (Рустам Минниханов - таҳрир) муҳокима кардем. Умедворем, ки ин масъала минбаъд низ баррасӣ хоҳад шуд. Дар айни замон, мо коргарони кишоварзиро пешниҳод кардем, аммо умедворем, ки агар ба созиш бирасем, дар дигар соҳаҳо низ кор хоҳем кард", - гуфт сафир.
Гул Ҳасан ин хабарро дар ҳошияи Форуми сеюми байналмилалии Астрахани Роҳи байналмилалии нақлиёти Шимол-Ҷануб-Уфуқҳои нав ироа кард.
Ӯ қайд кард, ки дар ин самт, ягон созишномаи мушаххас вуҷуд надорад ва ҷонибҳо муколамаи худро дар ин масъала идома медиҳанд.
Форуми сеюми Роҳи байналмилалии нақлиёти Астрахан "Шимол-Ҷануб - Уфуқҳои нав" аз 26 то 28 ноябр баргузор мешавад.