ДУШАНБЕ, 23 ноя - Sputnik. Узви дастаи мунтахаби Тоҷикистон Муҳаммад Раҷабов дар мусобиқаҳои байналмилалӣ ду медали тилло ба даст овард.
Дар ин бора хадамоти матбуотии шаҳрдории Душанбе хабар дод.
Чемпионати Осиё оид ба қайиқронӣ дар Ҳонконг баргузор шуд.
Донишҷӯи Мактаби махсуси шиноварии захираҳои олимпии Душанбе дар ҳарду намуд натиҷаҳои хуб нишон дод.
Раҷабов дар мусобиқаҳои 3400 метр ва 10000 метр ҷои аввалро ишғол кард.
Қаблан, Муҳаммад Раҷабов дар мусобиқаи қаиқронии ҷаҳон медали биринҷӣ ба даст оварда буд.
Моҳи сентябр дар шаҳри Дёри Маҷористон мусобиқаҳои қаиқронии марафон оид ба каноэ баргузор шуданд. Дар он тақрибан 500 варзишгар аз беш аз 40 кишвар ширкат варзиданд.
Раҷабов дар мусобиқаи қаиқронӣ бо каноэи C-1 ба масофаи 14,4 км дар мусобиқаи ҷавонон ҷои сеюмро ишғол кард.
Ин дастовард таърихӣ шуд: бори аввал аз замони истиқлолият варзишгари тоҷик дар Чемпионати ҷаҳон оид ба қаиқронӣ байни ҷавонон соҳиби медал гардид.