ДУШАНБЕ, 20 ноя — Sputnik. Пайвастшавии Украина ба Иттиҳоди Аврупо метавонад онро аз дохил нобуд кунад ва барои кишварҳои узви Иттиҳоди Аврупо бори гарон бошад.
Дар ин бора сухангӯи Вазорати корҳои хориҷии Русия Мария Захарова изҳор дошт.
"Пайвастшавии Украина ба Иттиҳоди Аврупо метавонад онро ин дафъа аз дохил нобуд кунад", - гуфт ӯ дар мусоҳиба бо РИА Новости.
Ба гуфтаи дипломат, ин барои коршиносон равшан аст. Ҳатто кишварҳои Иттиҳоди Аврупо дарк мекунанд, ки узвияти Украина метавонад барои аъзои иттиҳод "бори гарон" гардад.
Пайвастшавии Украинаро бюрократияи аврупоӣ дастгирӣ мекунад ва манфиатҳои кишварҳои узв ва вазъи вазнини иқтисодии ИА-ро нодида мегирад. Ғайр аз ин, Украина ба ягон меъёрҳои Иттиҳоди Аврупо ҷавобгӯ нест.
"Аммо мутаассифона, ин на аввалин ва на охирин амали бюрократияи аврупоӣ аст, ки ба бад кардани некӯаҳволии худи он нигаронида шудааст. Дуруст аст, ки на худи онҳо, балки некӯаҳволии шаҳрвандон", - шарҳ дод сухангӯи Вазорати корҳои хориҷӣ.
Қаблан Хадамоти иктишофии хориҷии Русия изҳор дошт, ки кишварҳои ИА бинобар низои Украина ва хоҳиши онҳо барои мағлуб кардани Русия дар остонаи бӯҳрони иҷтимоӣ-иқтисодӣ қарор доранд.
Баъдтар, ин ниҳод хабар дод, ки роҳбарони ИА вазъияти Украинаро нодида мегиранд. Онҳо наметавонанд бо он далел, ки пуле, ки сармоягузорӣ кардаанд, нопадид шудааст ва корашон хароб шудааст, розӣ шаванд.
"Онҳо наметавонанд бо ин андеша, ки садҳо миллиард евро, ки ба "лоиҳаи Украина" сармоягузорӣ шудаанд, нопадид шудаанд ва фаъолияти сиёсии онҳо хароб шудааст, розӣ шаванд", - гуфт хадамоти матбуот.
Захарова инчунин таъкид кард, ки режими Киев аз ҳамгироии кишвар ба Иттиҳоди Аврупо барои "ғарқ нашудан" ва нишон додани ҳадди аққал баъзе натиҷаҳо дар дохили кишвар, истифода мебарад.