ДУШАНБЕ, 17 ноя — Sputnik. Шаҳром Маҳмуродов барандаи медали тиллои Чемпионати ҷаҳон дар риштаи ҷиу-ҷитсу гардид.
Дар ин бора дафтари матбуоти Кумитаи кор бо ҷавонон ва варзиши Тоҷикистон хабар дод.
“Варзишгари тоҷик Шаҳром Маҳмуродов дар вазни 62 кг пас аз ҳашт рақобати шадид дар ду категория тавонист медали тилло ба даст оварда, бори чорум чемпиони ҷаҳон шавад”, - қайд кардааст манбаъ..
Манбаъ таъкид кардааст, ки варзишгари тоҷик нахустин варзишгари тоҷикест, ки дар намуди "Ne Waza" ба ин дастовард ноил гардидааст
Чемпионати ҷаҳон дар риштаи варзиши ҷиу-ҷитсу байни наврасон дар шаҳри Бангкоки Таиланд хеле ҷолиб баргузор гардида, дар он 1 400 варзишгар аз 54 давлати дунё иштирок намуданд.
Ёдовар мешавем, ки чанде пеш Муштзани тоҷик Давлат Болтаев дар мусобиқаи IBA Pro 12 дар Самара пирӯз шуд.
Варзишгари тоҷик Дилан Прасовичи муштзани черногориягиро дар раунди аввал бо нокаут мағлуб кард.