ДУШАНБЕ, 17 ноя — Sputnik. Иттиҳоди иқтисодии АвруОсиё (ИИАО) ва Ҳиндустон қасд доранд, ки раванди бастани созишномаи тиҷорати озодро тақвият диҳанд.
Созишномаҳои дахлдор зимни мулоқоти Андрей Слепнев, вазири тиҷорати Комиссияи иқтисодии АвруОсиё ва Раҷеш Агравал, муовини вазири тиҷорат ва саноати Ҳиндустон ба даст омаданд.
Тибқи иттилои хадамоти матбуотии КИА, ҷонибҳо имкониятҳои мавҷудаи тиҷоратӣ ва иқтисодӣ ва қадамҳои минбаъдаро барои таъсиси низоми имтиёзноки тиҷоратӣ баррасӣ карданд.
"Мо дар созишномаи ояндаи тиҷоратӣ барои ҳарду ҷониб аҳамияти хоса мебинем. Мо кӯшиш хоҳем кард, ки ҳарчи зудтар ба созишномаҳои мутақобилан судманд ноил шавем", - таъкид кард Слепнев.
Айни замон омодагӣ барои даври аввали музокирот идома дорад, ки параметрҳои мушаххаси созишномаи ояндаро муайян мекунад.
Ҳиндустон яке аз самтҳои асосии таваҷҷӯҳи кишварҳои узви Иттиҳоди иқтисодии АвруОсиё мебошад.
Қарор дар бораи оғози музокирот бо Ҳиндустон дар бораи созишномаи тиҷорати озод аз ҷониби Шӯрои олии иқтисодии АвруОсиё соли 2016 қабул шуда буд.