ДУШАНБЕ, 1 ноя - Sputnik. Нерӯҳои "Ғарб" ҳамлаи душманро дар самти шимолу ғарб, ки ҳадафи он берун рафтан аз муҳосира буд, пешгирӣ кард.
Дар ин бора, Вазорати дифоъи Русия хабар дод.
"Ҳамлаи дигари душман дар самти шимолу ғарб, ки ҳадафи он берун рафтан аз муҳосира буд, пешгирӣ шуд. Ҳашт ҷангҷӯ аз бригадаи 16-уми механиконидашудаи артиши Украина нобуд карда шуданд", - қайд кард Вазорати дифоъи Русия.
Манбаъ афзуд, ки ду кӯшиши берун рафтан аз воҳидҳои бригадаи 151-уми механиконидашудаи нерӯҳои Украина ва бригадаи 15-уми Гвардияи Миллӣ дар наздикии деҳаҳои Петровка ва Велика Шапковка дар вилояти Харков пешгирӣ карда шуд. То 20 ҷангҷӯ кушта шуданд.
Амалиёти вижа дар Украина
Русия оғоз аз 24-уми феврали соли 2022 дар Украина амалиёти вижаи низомӣ мебарад. Владимир Путин, президенти Русия, рисолати худро "ҳифозати одамоне, ки тӯли ҳашт сол аз сӯи режими Киев мавриди таҳқир ва наслкушӣ қарор гирифтаанд" тавсиф кард.
Ба гуфтаи вай, ҳадафи ниҳоии амалиёти вижаи низомӣ озодсозии Донбасс ва фароҳам овардани шароитест, ки амнияти худи Русияро кафолат медиҳад.
Кишварҳои ғарбӣ даст доштан дар даргириҳои Украинаро расман рад мекунанд, вале ба таъмини нирӯҳои мусаллаҳи Украина бо силоҳ идома медиҳанд. Вазири корҳои хориҷии Русия Сергей Лавров қайд кард, ки ҳама гуна интиқоли аслиҳа ба Украина ҳадафи қонунии Русия хоҳад буд.
Вазорати хориҷаи Русия изҳор дошт, ки кишварҳои НАТО бо интиқоли силоҳ ба Украина "бо оташ бозӣ мекунанд". Дар ҳамин ҳол, Маскав борҳо омодагии худро барои оғози музокирот дар бораи ҳалли низоъ изҳор доштааст, аммо Киев барои музокирот мамнӯъияти қонунӣ ҷорӣ кардааст.