Озмоиши мушаки "Буревестник" бо масофаҳои номаҳдуд бомуваффақият анҷом ёфтанд.
Президенти Русия Владимир Путин ба Вазорати дифоъи Русия дастур дод, ки инфрасохторро барои ҷойгиркунии мушакҳои нав омода созад ва режимҳои ҷангиро муайян кунад.
"Ин бешубҳа як инқилоб дар корҳои низомӣ аст. "Буревестник" кишварҳои НАТО-ро бедифоъ ва ҳама системаҳои зиддимушакии Ғарбро, аз ҷумла "Гунбази тиллоии Амрико"-ро бо монеаҳои мадорӣ, бефоида мегардонад", *- мегӯяд коршиноси низомӣ Александр Хроленко.
Ӯ илова мекунад, ки пас аз ҷойгиркунии "Буревестник", минтақаҳои патрулӣ метавонанд дар Арктика ё Антарктида ё дар ҳама гуна минтақаи дурдасти уқёнусҳои ҷаҳон, дур аз радарҳои душман ҷойгир карда шаванд.
Мушаки ҳастаӣ қодир аст, ки моҳҳо ва солҳо дар баландиҳои 25-100 метр парвоз кунад ва аз ҳар самт ба нимкураҳои Ғарбӣ ва Шарқӣ зарбаҳои дақиқ занад.
Коршинос афзуд, ки "Буревестник" қодир аст, ҷузъҳои сегонаи ҳастаии Русияро зуд пурра ё иваз кунад.
"Буревестник" таҳти маҳдудиятҳои байналмилалӣ қарор надорад. Вай афзуд, ки Маскав уҳдадор нест, ки ҳамсоягони худро дар бораи озмоишҳо ё истифодаи ҷангии мушаки байниқитъавӣ огоҳ кунад.