ДУШАНБЕ, 23 окт — Sputnik. Иттиҳоди иқтисодии АвруОсиё (ИИАО)дар таъмини устувории низоми ҷаҳонии озуқаворӣ нақши муҳим дорад.
Дар ин бора, Андрей Слепнев, вазири тиҷорати Комиссияи иқтисодии Авруосиё гуфт.
"Дар заминаи дастгирии талошҳои Конфронси Созмони Милали Муттаҳид оид ба тиҷорат ва рушд, мо қайд мекунем, ки ИИАО дар таъмини устувории низоми ҷаҳонии озуқаворӣ нақши муҳим дорад", - гуфт ӯ дар ҷаласаи 16-уми Конфронси СММ оид ба тиҷорат ва рушд.
Слепнёв шарҳ дод, ки аз замони таъсисёбӣ, ИИАО "ба кишварҳои рӯ ба инкишоф ва камтараққикарда, ки ноустувории иқтисодӣ ва осебпазириро аз сар мегузаронанд, дар шакли имтиёзҳои яктарафаи тарифӣ дастгирии мунтазам расонидааст".
Бо назардошти ин, иттиҳод, қарори Созмони ҷаҳонии Тиҷорат дар бораи васеъ кардани имтиёзҳои тарифиро ба кишварҳое, ки СММ рӯйхати онҳоро дар феҳристи кишварҳои камтараққикарда, тамдид мекунад, пуштибонӣ менамояд".
Иҷлосияи 16-уми Конфронси Созмони Милали Муттаҳид оид ба тиҷорат ва рушд аз 20 то 23 октябр дар Женева баргузор мешавад.
Дар он ҳайатҳо аз беш аз 100 кишвар иштирок мекунанд. Онҳо роҳҳои ҳавасмандгардонии табдили иқтисодиро барои рушди одилона, фарогир ва устувор баррасӣ мекунанд. Ин чорабинӣ ҳар чор сол як маротиба баргузор мешавад.