ДУШАНБЕ, 17 окт - Sputnik. Президентҳои Русия ва Иёлоти Муттаҳидаи Амрико Владимир Путин ва Доналд Трамп телефонӣ суҳбат карданд.
Ёвари президенти Русия, Юрий Ушаков дар бораи суҳбати раҳбарони Русия ва ИМА изҳорот дод.
Нуқоти асосӣ аз суҳбати кишвардорон:
Путин таъкид кард, ки Русия ҷонибдори ҳалли сиёсӣ ва дипломатии муноқиша дар Украина аст. Вай ба вазъият дар майдони ҷанг баҳои муфассал дод.
Русия ва ИМА омодагиҳоро ба мулоқоти роҳбарон оғоз мекунанд. Вазири хориҷаи Русия Лавров ба зудӣ ин мавзӯъро бо котиби давлатии ИМА Рубио баррасӣ хоҳад кард.
Путин ва Трамп ҳамчунин имкони мулоқоти шахсиро баррасӣ карданд. Трамп пешниҳод кард, ки он дар Маҷористон баргузор шавад, ин идеяро Путин дастгирӣ кард.
Путин аз Трамп хост, ки таманниёти беҳтаринро ба ҳамсараш Мелания бирасонад ва ба ӯ барои ширкаташ дар бозгардонии кӯдакони рус ва украинӣ ба хонаводаҳояшон ташаккур гуфт.
Трамп қайд кард, ки хатми низоъ дар Украина дурнамои ҳамкориҳои иқтисодии Русия ва ИМА-ро боз мекунад.
Ёдовар мешавем, ки рӯзи 15 август президенти Русия Владимир Путин ва президенти ИМА Доналд Трамп дар Аляска гуфтугӯ карданд.
Роҳбарон дар пойгоҳи низомии Элмендорф-Ричардсон дар Анкориҷ музокирот анҷом доданд. Президентҳо роҳҳои ҳалли муноқишаи Украинаро баррасӣ карданд. Ҳарду раҳбар ин мулоқотро мусбат арзёбӣ намуданд
Раисиҷумҳури Русия дар пайи ин нишаст изҳор дошт, ки имкони ҳалли низоъ дар Украина вуҷуд дорад ва ба манфиати Русия ба ҳалли дарозмуддат таъкид кард.