ДУШАНБЕ, 16 окт - Sputnik. Тиҷорати Эрон бо давлатҳои узви Иттиҳоди иқтисодии АвруОсиё (ИИАО) афзоиш хоҳад кард.
Дар ин бора, муовини нахуствазири Русия Алексей Оверчук, зимни боздидаш аз марзи Озарбойҷону Эрон, зербинои гузаргоҳҳои долони нақлиётии Шимолу Ҷануб, изҳор дошт.
"Моҳи майи соли ҷорӣ тавофуқномаи тиҷорати озод миёни Эрон ва Иттиҳоди иқтисодии АвруОсиё эътибор пайдо кард. Ва мо мебинем, ки муомилоти тиҷорӣ миёни ИИАО ва Эрон дар муқоиса бо моҳи май 35% афзоиш ёфтааст", - гуфт Алексей Оверчук
Гузашта аз ин, ӯ изҳори итминон кард, ки тиҷорат миёни Эрон ва Русия низ афзоиш хоҳад ёфт.
"Мо мутмаин ҳастем, ки ҳаҷми мубодилоти тиҷорӣ миёни Эрону Русия ва Эрон ва ИИАО идома хоҳад ёфт ва зерсохтҳо дар гузаргоҳҳои марзӣ бояд ба ин афзоиш мувофиқат кунанд", – гуфт муовини сарвазири Русия.
Ёдовар мешавем, ки Эрон ва ИИАО созишномаи тиҷорати озодро дар охири соли 2023 имзо карданд.