ДУШАНБЕ, 14 окт — Sputnik. Нерӯҳои Русия ба Константиновка наздик мешаванд, гуфт раиси Ҷумҳурии Халқии Донетск Денис Пушилин.
"Дар ҷануби обанбори Клебан-Бик вазъ барои нирӯҳои мо ба таври қобили мулоҳиза беҳтар шудааст. Ва, албатта, мо пешрафтро дар самти худи Константиновка мебинем, ки айни замон онҷо даргириҳои хеле ҷиддӣ идома доранд", - гуфт ӯ ба шабакаи телевизионии "Россия 24".
Ҳафтаи гузашта вазорати дифоъ аз нобудсозии як гурӯҳи 800 нафарии нерӯҳои мусаллаҳи Украина, ки назди обанбори Клебан-Бик дар муҳосира буданд, хабар дод. Дар ин мавзеъ қӯшунҳои рус ба муқобили нозиҳои бригадҳои таъиноти махсуси "Азов"* ва ҳуҷумии “Лют” мубориза мебурданд.
Нерӯҳои Русия дар самти Краснолиманск низ пешрафт доранд. Онҳо барои Северск мубориза бурда, ба Красний Лиман наздик мешаванд. Гузашта аз ин, нерӯҳои мусаллаҳ дар минтақаи Ямпол, ки нерӯҳои мусаллаҳи Украина талош доранд, онро нигоҳ доранд, пеш мераванд.
Пушилин афзуд: "Дар мавзеи Доброполский, ки душман он ҷо қисмҳои худро дубора ҷойгир мекунад, ба сарбозони мо лозим меояд, ки онҳоро маҳв кунанд."
Дар самти Красноармейск нерӯҳои Русия тавонистанд қувваҳои украиниро дар наздикии Родинское маҳкам карда, деҳаро ба муҳосира гиранд. Дар шимоли Котлино ҳам ҷангҳои шадид давом доранд.
* Ташкилоти террористӣ, дар Русия мамнӯъ аст.