ДУШАНБЕ, 13 окт — Sputnik. Сухангӯи раисҷумҳури Русия Дмитрий Песков гуфт, ки гуфтугӯи телефонии президентҳои Русия ва ИМА Владимир Путин ва Доналд Трамп пас ба тавофуқ расидани тарафҳо сурат мегирад.
Қаблан Трамп ба хабарнигорон гуфта буд, ки метавонад бо Путин масъалаи интиқоли мушакии Томогавк ба Украинаро баррасӣ кунад.
Ба гуфтаи раисиҷумҳури Амрико, дар сурати ҳал нагардидани муноқишаи Украина, Вашингтон метавонад ин мушакҳоро ба нерӯҳои мусаллаҳи Украина интиқол диҳад.
Песков дар посух ба суолҳои хабарнигорон дар бораи изҳороти Трамп дар бораи гуфтугӯи эҳтимолӣ бо Путин дар бораи мушакҳои "Томогавк" гуфт: "Дар мавриди гуфтугӯи телефонӣ то ҳол тавофуқи дақиқе вуҷуд надорад. Ба тавофуқ, ки бирасем гуфтугӯ сурат мегирад".
Дмитрий Песков, таъкид кард, ки тамосҳои Русия ва ИМА дар бораи Украина тавассути каналҳои дахлдор идома доранд.
"Тамос тавассути шабакаҳои дахлдор идома дорад. Аммо, мутаассифона, дар ин масъала ҳеҷ пешрафте нест", - уфт оқои Песков дар посух ба суоли хабарнигори РИА “Новости”.