ДУШАНБЕ, 14 сен — Sputnik. Оилаи раисиҷумҳури пешини Қирғизистон Алмосбек Отамбоевро иҷрокунандагони ҳукми суд аз манзилашон дар минтақаи Кой-Тош дар канори Бишкек ихроҷ мекунанд.
Дар ин бора, писари Қодирбек Отамбоев раиси ҷумҳури собиқи Қирғизистон гуфтааст, хабар медиҳад РИА Новости.
"Онҳо мехоҳанд, маро, модарам ва аъзои оилаамро аз хонаамон дар Кой-Тош ба таври ғайриқонунӣ пеш кунанд ва моро аз сарзамини аҷдодонамон, ки воқеан 100 м дуртар ҳама хешу таборамон ба хок супурда шудаанд, бесарпаноҳ гузоранд. Иҷрокунанлагони амри додгоҳ омаданд", - навиштааст ӯ дар шабакаҳои иҷтимоӣ.
Ӯ афзудааст, ки дар баробари ин талошҳо барои мусодира кардани қароргоҳи Ҳизби сотсиал-демократӣ, ки дар онҷо инқилоби 7 апрели соли 2010 оғоз шуда буд, идома дорад.
Рӯзҳои 7-8 августи соли 2019 хадамоти вижаи Қирғизистон амалиёти боздошти раисиҷумҳури пешин Отамбоевро дар қароргоҳи ӯ дар деҳаи Кой-Тош, 20 км дуртар аз пойтахт анҷом доданд.
Онхо ба муқобили тарафдорони роҳбари собиқ аз воситаҳои махсус истифода бурданд. Тарафдорони Отамбоев оташи ҷавобӣ заданд.
Раисиҷумҳури пешин танҳо дар рӯзи дуввуми даргириҳо ба нерӯҳои амниятӣ таслим шуд.
Дар натиҷаи амалиёти вижа, ба гуфтаи вазорати беҳдошт, 136 нафар захмӣ шудаанд. Як сарбози нерӯҳои махсус кушта шуд.
Моҳи июни соли 2025 додгоҳ Отамбоевро барои ҳодисаҳои Кой-Тош ва як қатор парвандаҳои ҷиноии дигар ғоибона ба 11 солу шаш моҳ зиндон маҳкум кард.