ДУШАНБЕ, 4 сен — Sputnik. Дар 27 мактаби Тоҷикистон омӯзгорон аз Русия ба кори худ шурӯъ кардаанд.
Дар ин бора дафтари матбуоти намояндагии Россотрудничество дар ҷумҳурӣ хабар додааст.
Ҳамин тариқ, дар 27 мактаби миёнаи Тоҷикистон 109 омӯзгор – иштирокчиёни лоиҳаи “Муаллими рус дар хориҷа” ба кор оғоз карданд.
Муаллимони рус аз фаннҳои биология, забон ва адабиёти рус, математика, химия, физика, информатика, география дарс медиҳанд.
Миёни муаллимон омӯзгорони синфҳои ибтидоӣ низ ҳастанд, гуфта мешавад дар хабар.
Дар соли 2025 чӣ қадар омузгор аз Русия дар макотиби Тоҷикистон дарс медиҳанд?
© Sputnik
Россотрудничество тавзеҳ дод, ки имсол ба лоиҳа 27 мактаби давлатӣ ва хусусӣ дар 9 шаҳр ва 2 ноҳияи ҷумҳурӣ шомиланд.
Ёдовар мешавем, ки дар соли 2017 Тоҷикистон аввалин кишваре буд, ки лоиҳаи башардӯстонаи “Муаллими рус дар хориҷа”-ро роҳандозӣ кард.
Дар тӯли чанд сол лоиҳа як ҷузъи ҷудонашавандаи низоми маорифи Тоҷикистон гардид.
То соли 2023 дар мактабҳои Тоҷикистон 47 омӯзгор аз Русия фаъолият мекарданд.
Лоиҳаро Вазорати маорифи Русия дар якҷоягӣ бо шӯъбаҳои миллии махсуси кишварҳои шарик, аз ҷумла Тоҷикистон амалӣ мекунад.
Дар Тоҷикистон ба таҳсилоти русӣ ва забони русӣ ниёзи хоса доранд. Ҳамин тариқ, дар мактабҳои олии Русия зиёда аз 33 ҳазор шаҳрванди Тоҷикистон таҳсил мекунанд.
Қаблан Эмомалӣ Раҳмон, раисиҷумҳури Тоҷикистон дастур дода буд, ки барномаҳои таълими забони русӣ дар муассисаҳои томактабӣ бознигарӣ шавад.
Ба фикри ӯ, дар боғчаҳо ба бачагон забони русиро омӯзондан лозим аст ва барои ин ихтисоси муаллимонро баланд бояд бардошт.