ДУШАНБЕ, 15 авг — Sputnik. Дар ҳудуди кишварҳои узви Иттиҳоди иқтисодии АвруОсиё пойгоҳи ягонаи хатсайрҳои сайёҳӣ ташкил мешавад.
Дар ин бора, Комиссияи иқтисодии АвруОсиё хабар додаат.
Гуфта мешавад, ки ин пойгоҳ, дорои маълумот дар бораи беш аз 400 хатсайри сайёҳӣ мебошад.
Ҳамчунин дар пойгоҳ, харитаҳои интерактивӣ ва маълумоти муосир барои сайёҳон ворид карда мешавад.
Ин банақшагирии саёҳатро дар дохили иттиҳодия содда карда, ба рушди туризм мусоидат мекунад.
Ёдовар мешавем, ки Иттиҳоди иқтисодии Авруосиё (ИИАО) - созмонест, ки дар он Русия нақши барҷаста дорад ва ин созмон Қазоқистон, Қирғизистон, Белорус, Арманистон ва Русияро муттаҳид месозад.